موضوع: يوميات مشرف مخنوووق الثلاثاء ديسمبر 16, 2008 8:34 am
[center] [size=16]من البداية عاوز أقول أن المدرين والمشرفين اللى عندنا والله زى (العسل)
شوفو بقى يوم هذا المشرف ( اللى طبعا مش من عندنا )
اول ما قام من النوم لقى الموبايل بتاعه بيرن
فلقى المدير الكبير صاحب المنتدى بيتصل بيه
المشرف:اصطبحنا واصبح الملك لله ......صباح الخير يا مدير الكل صباحك قشطة
المدير : خير هييجى منين الخير ياسى زفت
انت سايب القسم بتاعك لية ونايم الله يخرب بيت اللى شار عليا الشورة السودة دى انى امسكك مشرف انت متنفعش حتى تبقى عضو موقوف
المشرف : ليه بس يا مدير دا انا حتى مغسلتش وشى ودخلت على طول على المنتدى
المدير: عموما ادخل شوف القسم بتاعك ودا اخر انذار ليك
وانتهت المكالمه والمشرف طبعا مضايق وبيقول انا ايه بس ياربى اللى دبسنى التدبيسه السودة دى ماكنت عضو وميه ميه وبدات اعمل قلق وكنت هولع الدنيا المهم دخل على الرسايل الخاصه بتاعته بقى لقى الرسايل دى
الرسالة الأولى
السلام عليكم ...ازيك يا مشرفنا .. بقولك أنا اضفت موضوع بس معرفش شكله نزل ثلاث مرات بالغلط أحذف أي واحد فيهم .. اللي يعجبك أنت بس احذف
الرسالة الثانية
مرحب مشرفنا ..... بقلك شوف : في عضو قاعدلي كل موضوع يرد عليا ويهيني قدام الأعضاء ... لو ماسكتوش هعمل حاجه محصلتش.. واقلبلكم الدنيا على بعضها .. وقد اعذر من أ نظر ...
الرسالة الرابعة مشرفنا ... ممكن لو سمحت تعدل اسمي من الحلوة الى ملكة جمال
او عروسة البحر ولا ااقولك ماشيها سكرة وامرى لله
الرسالة الخامسة هاي ... يارب تكون مبسوط .. بصراحة شخصيتك عاجباني ولك هيببة في المنتدى بس ياريت يعني اذا عملت موضوع ثبتهولي ..على فكرة انا زعلانة محدش يثبتلي مواضيعي مع انى مضيعة كل وقتى فى المنتدى
الرسالة السادسة
ياعم هقلك على حاجة : مش هسلم عليك ولا حاجة انت أصلاُ ماتستاهلش كل ما اعمل موضوع تحذفهولي .. عجيبة والله ...
الرسالة السابعة
مساك زي الفل يا معسل المنتدى... بصراحة انا مكسوف منك عايز أطلب طلب بسيط ... يعني انا عايز اعرف ازاي المشرف بيتعامل مع المواضيع و ايه الطريقة يعني بالعربي الفصيح .. عايز الباسوورد بتاعتك اذا تكرمت
(ماهو دا اللى ناقص)
الرسالة الثامنة
يا اخي انت زودتها ... شايف نفسك علينا وكل مانكلمك ما تديناش وش .. ياخي الاشراف مش يعني بقيت ملك ... اختشي على دمك بقى .. قال مشرف قاال ...
صحيح الى ميعرفش يقول عدس
الرسالة التاسعة
(من المدير)
السلام عليكم ..أخي ...الاحظ كثرة الشكاوي من الأعضاء وكثرة المشاكل أرجوا تهدئة الأمور بأسرع وقت .. وان تفعل أي شي لمصلحة المنتدى ... وشكرا ...